ändli isch äs mär au no glungä miir ä eigeni Homepage z'erstellä und ab und zue au chli z'aktualisiere...
ich han scho sit miiti 1998 mit äm gedankä gspielt, han aber leider
niä richtig ziit gfundä. im dezember 98 han ich mir dänn ämalä
www.renekunz.ch unter dä nagel grissä und zahlä siit do fliisig
dä gebührä. das vorallem i dä hoffnig ich würdi jetzt
ämalä fürschi machä. aber ebä, äs sich doch nüüt
passiärt...
im dezember 2000 hät mich dä philipp (numal viilä dank, gäll)
ämalä is 1x1 vo html, htm, java-script, css-files und was äs
da alles no git, iigfüährt. sit do kopiär ich us div. homepages
dä source-code und ändärän für miini bedürfins
ab. dur das funtioniärt miis menu im netscape au nööd! *grrrr*
das ärgärät mi bsunders da ich eigändlich eher än anti-microsoft-user
bin. aber ebä: eines schönes tages wird diä siitä au unter
netscape perfekt laufä...
da aber dä reschtlich inhalt vorrang hät, bitt ich no ä chii
um geduld... ;-)
wä mär warschinli us miim menu ziimli guät gseht, isch curling
eis vo miinä liäbschtä und sicher au ziitufwändigstä
hobbies. ich spiilä curling siit äm 92gi und das vorallem dank am
herr albertin wos bis jetzt immer mit mir uf äm iis uusgahltä hät...
hehehe
zu miinä, oder besser zu eusnä gröstä erfolg dörf mär
sichär dä schwiizermeistertitel bi dä juniorä im jahr 1998
und vize-weilmeischtertitel im Jahr 1999 zehlä. nachher hämmer eus
(nöd ganz im orginal team) bi de elite versuecht - händs aber irgendwie
nie so richtig gschafft. sit es paar jahre spiel ich durm kei meisterschaft
meh sonder nume no just for fun :-) am liebste irgendwo i de welt. flims und
prag dörfet uf all fäll nöd fähle, aber hoffentlich schaffets
mir au mal bis uf moskau, madrit, amsterdam oder so...
im summer 2002 han ich mir no eine vo miine träum verwürlicht und mir mis traumauto kauft. sit do kurv ich mit eme rote mitsubishi 3000 gt dur gegend. wenn mer so es fahrzüg nöd selber mal erläbt hät, chan mer die begeisterig warschinli chum begrife... aber ich bin nachwievor de überzügig das dass e wunderbari iidee gsii isch und ich gnüsse nachwievor die leistig uf abruef... :-)
usserdem hock ich au sehr gärn vor äm pc. allerdings wenigär
am game sondern meh am programiärä und sit neustem am html-files z'kreiärä...
programmiärä duä ich im normalfall im deliph vo borland. wänns
muäs sii, chan ich aber au im basic, pascal, visual-basic und i dem sogenantä
'visual basic for application' derä pseudo-programmiärsprach wo d'makros
in word und excel gschriibä sind, programmiärä... c++ würd
mi zwar au reizä, han aber eifach no niä ziit kah zum das gnauer aazluägä...
diä siitänä da, sind übrigens alli im dreamweaver 3.1 entstandä.
no ä ganz luschtigs progrämmli wo leider zum teil nööd ganz
selbsterchlährend isch. (ich weiss, es gits scho d'version 8 aber die alt
funktioniert immerno prima)
natürli chan ich mich nööd numä miinä hobbis widdmä sonder muäs au go arbeitä. ich verdiänä miini brötli als konstrukteur bi dä reishauer in wallisellen und sit 2004 au bim koenig maschinenbau ag. bi de reishauer mir machät haupsächlich zahnrad- und gwindschleifmachinen. das sind rächt grossi ungetüm wo ca. 7 mal 9 meter platz in aaspruch nämed, däfür aber ufs µ genau schleifen. (1µ = 0.001 mm, 1 haar hät än durchmesser vo 40 - 60µ....) de koenig isch en liferant vom reishauer, aber mir konstruieret det au für alli andere firmene, sobald mir en uftrag händ.
dänäbät bin ich vom oktober 2000 bis 2003 au no i ABB technikerschuäl
(TS) in bade. Das han ich jetzt, nach vordiplom, diverse semesterarbeite und
diplomprüefige jetzt aber endlich erfolgrich hinter mich bracht. eusi gruppe
hät a de diplomierig sogar de ersti platz bi de konstukionstechnik in empfang
neh. das für eusi uufwändigi arbeit für e 'höheeinstellbare
Werkzeugaufnahme für grosse Drehbänke'. Mir händ als referenzmaschine
MFD24 bi alstom kah.
Natürli han ich au ämalä is militär müäsä.
das isch bi mir im summer 99 grad nach dä LAP gsii. ich bin dänn also
15 wuchä in bülach als UemPi (Uebermittlungs Pionier) iiteilt gsii
und bin, wiä praktisch alli detä, hauptsächich numä uumägstandä
und han nüüt gamcht. isch aber dennoch än seich gsii. vorallem
so sprüch wiä: "sii händ uusgang bis am 23:00!" bis
am 11i uusgang? um diä ziit gahni ich im normalfall erst! aber ebä:
militär! miin erstä WK in hinelbank BE (detä wos äs frauägfängniss
hät) isch detdurä wesendlich besser gsii. eusi kompanie isch i 3 oder
4 untekünft uufteilt gsii = totale unübersichtlichkeit. dur das häts
dänn au niä äs zimmerverläsä oder so ähnlichä
schwachsinn geh und mir händ chönä solangi dä beiz hochä,
wiä MIR händ wellä.... :-) und je lenger ich i dem verein bin
umso meh gfallts mir. wobii meh suufe als mir im letschte wk händ isch
praktisch unmöglich. tipp an alle: wenn er chönd wähle, gönd
i kuchi oder i dienstgruppe :-)
seinziä was mich im militär faziniärt hät und immer no tuät,
sind diä suuper fründschaftä wo i dem chaos entstandä sind.
gäll roth!
2006 - www.renekunz.ch